تامر عاشور عن عمرو دياب: مش مجرد فنان دي حالة بنتعلم ونستفيد منها في الوطن العربي
أشاد الفنان تامر عاشور بالنجم عمرو دياب، مؤكدًا أن تأثيره الفني تجاوز حدود كونه مطربًا ناجحًا، ليصبح نموذجًا يستفيد منه العاملون في الوسط الغنائي داخل مصر والوطن العربي.
وقال تامر عاشور، خلال المؤتمر الصحفي الخاص بمهرجان قرطاج: عمرو دياب مش مجرد فنان ولا هضبة، لا ده حالة كلنا بنتعلم ونستفيد منها، مش في مصر بس في الوطن العربي.
وأشار عاشور إلى المكانة التي يحظى بها عمرو دياب على مدار مسيرته الفنية، معتبرًا أن تجربته تمثل نموذجًا مستمرًا للتعلم والاستفادة، خاصة مع امتداد تأثيره إلى مختلف أنحاء الوطن العربي.
تصريحات تامر عاشور
وفي السياق مختلف، قال الفنان تامر عاشور، إن الجدل المثار حول لقب صوت مصر قد يتسبب في إزعاج البعض، معقبًا: شيرين عبد الوهاب طلعت قالت كلنا أصوات مصر، وكلنا فنانين مصريين، وبنقدم الفن اللي بيرتقي ببلدنا وبنخرج بيه للوطن العربي.
أعمال تامر عاشور
ومن ناحية أخرى، حرص الموزع والمنتج حسن الشافعي على توضيح حقيقة وجود صوت كلب، من خلال فيديو نشره عبر حسابه على إنستجرام، يجمعه بتامر عاشور، قائلًا: إيه حوار صوت الكلب اللي في الأغنية؟
ليجيب تامر عليه، قائلًا: صحيت لقيت ناس بتتكلم عن صوت الكلب وشوفت كومنت أول ما الأغنية نزلت.. هو مش كلب.. لقيت التعليقات زادت أوي وبعدين بقيت معاهم وسامع نفس اللي بيقولوا عليه.
وأردف حسن الشافعي: أنا في لحظة شكيت في نفسي، وفيه نظرية بتقول إنك لو سمعت الصوت الصح ممكن يروح، فأنا عملت حركة ظريفة وخليت الناس تسمع الصوت اللي مش كلب، بس ده صوت إنسان، ومهما عملت هيشوفوه صوت كلب
