الأعلى للإعلام: اعتماد قرار قناة المحور بإيقاف برنامج حواديت على المكشوف تقديم دينا المصري بشكل نهائي

وافق  المجلس الأعلى لتنظيم الإعلام على اعتماد الإجراءات الفورية التي اتخذتها إدارة قناة «المحور»، بوقف أحد برامج الإنتاج المشترك الذي يحمل اسم «حواديت على المكشوف»، تقديم دينا المصري، بشكل نهائي، وذلك بسبب ما تم رصده من مخالفات وإساءات عبر منصات التواصل الاجتماعي، وذلك في إطار إجراءات المجلس برئاسة المهندس خالد عبدالعزيز، لمواجهة ظاهرة «بيع الهواء».

الأعلى للإعلام: اعتماد قرار قناة المحوربإيقاف برنامج حواديت على المكشوف تقديم دينا المصري بشكل نهائي

ووجّه المجلس الأعلى لتنظيم الإعلام، الشكر إلى إدارة قناة «المحور» على سرعة الاستجابة واتخاذ الإجراءات اللازمة حيال الواقعة تفعيلًا لـ «مبادرة التنظيم الذاتي»، مؤكدًا أن قرارها بوقف البرنامج نهائيًا يعكس التزامًا وحرصًا على تطبيق المعايير المهنية والضوابط المنظمة للعمل الإعلامي، بما يسهم في الحفاظ على انضباط المحتوى الإعلامي والارتقاء بمستوى الممارسة المهنية.

قالت المذيعة دينا المصري، في مقطع فيديو لها عبر حسابها بمنوقع فيسبوك، حول منشور عدم سماع الأذان بسبب فصل المسجد صوت الميكرفون بعد شكاوى السكان، أنا اللي نزلت البوست، وقلت فيه على موضوع الأذان اللي اتمنع تحت بيتي، وقلت إن أنا رافضة القرار ده، يعني إيه أذان يتمنع تحت بيتي وما اسمعوش؟.. لأ أنا حرة في رأيي، أنا بيتي جنب الجامع وبقالي 8 سنين في البيت دا وبسمع الأذان، ويمكن دي أحلى حاجة بسمعها في بيتي.

المذيعة دينا المصري عن منشور عدم سماع الأذان بمنزلها: كان أحلى حاجة بسمعها في بيتي

وأضافت: المذيعة دينا المصري، زي ما بسمع الأذان، زي ما بسمع برضه حفلات بتحصل تحت البيت في كل مناسبة سواء في عيد ولا في رمضان أو أي مناسبة بيحصل، كل الحاجات دي بتحصل وبتزعجنا ده الإزعاج، ما بعرفش أنام مثلًا أو أذاكر، ما بعرفش أعمل أي حاجة، بس بعديها وأقول معلش خليهم يتبسطوا، نيجي بقى عند الأذان، وحد يعمل شكوى في أذان ربنا ويقول أصله بيزعجني، أصله عاملي إزعاج وطّوا الصوت شوية أصل في ناس مريضة، هي الناس المريضة ما بتفتكرش إن هي مريضة غير لما بتسمع أذان ربنا في الخمس دقائق دول، الناس المريضة دي بتنسى بقى إن هي مريضة وبتخف فجأة لما بيبقى في حفلات والشو وخبط بقى ودوشة وصداع وأغاني ودي جي، لكن عند أذان ربنا بيجيلها الإزعاج.

وأضافت دينا المصري، بالصدفة البحتة سألت: أنا ليه بطلت أسمع صوت أذان ربنا وأنا جنب البيت بتاعي جامع؟، ليه بطلت أسمع صوت الأذان، وعرفت من السكان إن الجامع اتفصلت فيه المكبرات، وشغالة فيه مكبر واحد بس، وشالوا كل الباقي والسماعات، عشان كده ما بيتسمعش الأذان، طب ليه يا جماعة؟.. أصل فيه شكاوي جت ناس مريضة وبيزعجهم الصوت، أنا لا محجبة ولا أنا حد ملتزم دينيًا، أنا واحدة عادية جدًا عايشة حياتي عادي بطبيعتي وبحريتي، اللي أنا بشوفه وبقتنع بيه بعمله، اللي أنا بحسه وبصدقه بعمله، والأذان اتعمل لتوعية حد عاصي حد زيي مثلًا يا سيدي، حد لسه ما لبسش الطرحة، حد لسه مش قريب من ربنا قوي، حد لسه بعيد عن دينه يفوقه.