بقلم : المهندس احمد حسن
التفاؤل مش كلمة… ده إحساس بينور القلب لما يبقى عندك يقين إن الحياة مهما ضاقت ربنا هيبعتلك ناس يشبهوا نقاء روحك ناس قلوبها صافية وما تحملش جوّاها أذى ولا ضغينة… ساعتها بس تشوف الدنيا بشكل تاني.
الحياة بتتغيّر بالوجوه اللي حواليك وبالقلوب اللي بتسندك من غير ما تطلب… ناس وجودهم في يومك كفاية يخفّف تعبك ويهدي بالك ويعكس ليك صورة حلوة عن الدنيا اللي كنا فاكرينها معقدة.
احنا عارفين إن الأصل الطيب بقى نادر في الزمن ده لكن طالما أنت متوكل على الله ومسلّم أمرك ليه… صدّق إن ربنا هيبعثلك الأنقياء وهيبعد عنك أصحاب النوايا السودا.
ادعي دايمًا إن ربنا يرزقك بأطيب خلقه…
لأن الرزق مش فلوس بس، الرزق كلمة حلوة وكتف يتشال عليه، وقلب يحبك من غير مقابل…
الرزق …………
ناس تكون سند وتكون أمان.
اللهم ارزقنا بقلوب نقية وناس طيبة ورفقة صالحة…
اللهم ارزقنا بمن هم رزق… يا رب.
